/2022.04.29/ Дорнод аймгийн нутагт дөрөвдүгээр сарын 14-25-ны өдрүүдэд ой хээрийн түймэр гарсан. Тус түймэрт Нөмрөгийн дархан цаазат газар өртжээ.
Үүний улмаас эхээсээ төөрч, олон хоносон хүрэн баавгайн 2 сартай бамбаруушийг Нөмрөгийн ДЦГ -ын хамгаалалтын захиргааны албан хаагчид олж, асран хамгаалж байгаа аж.
Байгаль орчин, аялал жуулчлалын яам, харъяа Тусгай хамгаалалттай газар нутаг хариуцсан хамгаалалтын захиргаа мэргэжил, арга зүйн туслалцаа үзүүлж бамбаруушийг бүрэн тэнхрүүлж, байгальд нь тавих юм байна.
