/2022.04.29/ УИХ-ын чуулганы хуралдаан болж байна.
Хуралдаанаар Монгол Улсын нэгдсэн төсвийн 2022 оны төсвийн хүрээний мэдэгдэл, 2023-2024 оны төсвийн төсөөллийн тухай хуульд өөрчлөлт оруулах тухай хуулийн төслийн эцсийн хэлэлцүүлгийг явуулж байгаа юм.
Хэлэлцэж буй асуудалтай холбогдуулан гишүүд асуулт асууж, хариулт авч байна.
УИХ-ын гишүүн О.Цогтгэрэл:
-Төсвийн тодотголыг анхнаасаа төсвийн зардал, алдагдлыг бууруулах, энэ хэрээр иргэд, ААН-үүдэд боломж олгох байх гэсэн өндөр хүлээлттэй байсан. Гэтэл бодит байдал юу болж байна. 2.4 их наяадын төсвийн алдагдал яг хэвээрээ. Төрийн хэмнэлтийн хууль санаачилж оруулж ирсэн. 30 тэрбумыг хэмнэнэ гэсэн. 30 тэрбум төгрөг 18 их наяадтай харьцуулахад маш бага тоо. Бүхэл бүтэн 600 хуваасны 1 хувь нь гэсэн үг.
Хойшлуулж хэдэн зүйл тавьснаас биш хэмнэлт хийсэн зүйл алга. Ард түмэн асар их хүлээлттэй байсан. Товчоор хэлбэл нүглийн нүдийг гурилаар хуурсан төсвийн тодотгол болж байна гэв.
