/2022.04.12/ Энхтайваны гүүрний зүүн талд, Дунд гол урсдаг хэсгийн 11.8 га газарт “Азид хамгийн томд тооцогдох усан парк, спорт цогцолбор соёл амралтын хүрээлэн”-г барина гэж 2016 онд мэдээлж байсан билээ.
Тэгвэл тус газрыг худалдаа, нийтийн үйлчилгээ, төв цогцолбор, орон сууц, сургууль, цэцэрлэгийн зориулалтаар ашиглах шүүхийн шийдвэр гарчээ.
Анх 2008 оны есдүгээр сарын 17-нд дээрх газар орон сууцны зориулалтаар олгогдож байжээ. Харин 2020 оны есдүгээр сарын 30-ны захирамжаар газрын эзэмших эрхийг цуцалж, ногоон байгууламж болгох шийдвэр гарсан байна.
Гэвч захиргааны хэргийн шүүхийн 2021 оны есдүгээр сарын 30-ны өдрийн шийдвэрээр НЗД-ын захирамжийг хүчингүй болгож газрын эрхийг сэргээх шийдвэр гаргажээ.
