/2022.2.28/ ФИФА-аас өчигдөр Оросын багийг Дэлхийн аваргын тэмцээнээс хасалгүйгээр, харин улсынхаа далбаан дор биш Оросын хөлбөмбөгийн холбооны нэрийн дор тоглож болно гэдэг шийдвэрийг гаргасан.
ФИФА-ийн энэ шийдвэрийг Европын орны багууд эрс эсэргүүцэв. Тухайлбал, Польшийн Хөлбөмбөгийн холбооны ерөнхийлөгч Сезари Кулезца "ФИФА-ийн шийдвэрийг хүлээн зөвшөөрч боломгүй. Польшийн баг тамирчид Оросын багийнхантай ТОГЛОХГҮЙ" хэмээн жиргэжээ. Польшийн баг хагас шигшээгийн тоглолтод гуравдугаар сарын 24-нд тоглох хуваарьтай юм.
Харин ФИФА-аас "Олон улсын Олимпийн хороо болон Европын хөлбөмбөгийн холбоотой яриа хэлэлцээ үргэлжилж байна. Цаашид өөр олон спортын тэмцээн, тоглолтоос Орост тавих хоригийг ярилцаж байна" гэжээ.
