/2023.02.10/ Элсэлтийн Ерөнхий шалгалтын Монгол хэл, бичгийн шалгалтын бүртгэл орон даяар хоёрдугаар сарын 06-ны 09:00 цагт эхэлсэн. Харин бүртгэл ирэх гуравдугаар сарын 31-ний 18:00 цагт дуусах бөгөөд https://eyesh.eec.mn/ цахим хуудсаар явагдах юм.

Шалгуулагч нь Боловсролын үнэлгээний төвийн eyesh.eec.mn цахим хаяг руу хандан бүртгэлээ хийх ба бүртгүүлэхдээ дараах материалыг бэлтгэсэн байна. Үүнд:

• Иргэний үнэмлэх болон түүнтэй адилтгах баримт бичиг /иргэний үнэмлэхийн лавлагаа, гадаад паспорт, цагдаагийн үнэмлэх, мөн гадаадын иргэний Монгол Улсад оршин суух түр үнэмлэх /
• Өнгөт цээж зураг /цээж зураг нь 3*4 хэмжээтэй, сүүлийн 3 сарын дотор авахуулсан, урагшаа цэх харсан, арын фон нь цайвар цулгуй өнгийн, нарны шил болон малгайгүй байна/
• Бүх банкны интернэт гүйлгээ хийх эрхтэй төлбөрийн карт
• Шалгуулагч бүр зөвхөн өөрийн и-мэйл хаягаар бүртгүүлнэ.

Монгол хэлбичгийн шалгалт нь үнэ төлбөргүй бөгөөд ЭЕШ-ын нэг хичээлийн бүртгэлийн хураамж 5800 төгрөг байна.