/2023.02.10/ Тээврийн Цагдаагийн албанаас Сар шинийн баярын өмнөх амралтын өдрүүдэд тээврийн хэрэгслийг улсын дугаараар хязгаарлан замын хөдөлгөөнд оролцуулах саналыг Нийслэлийн Засаг даргад хүргүүлсэн.

Тэгвэл уг санал дэмжигдээгүй буюу Нийслэлээс баяр болон амралтын өдрүүдэд дугаарын хязгаарлалт хийхгүй байхаар шийдвэрлэжээ.

Мөн сүүлийн өдрүүдэд иргэд томоохон зах, худалдааны төв, үзэсгэлэн худалдаагаар үйчлүүлэхдээ их хэмжээний бэлэн мөнгө биедээ авч явж, халаасны хулгайн гэмт хэргийн хохирогч болсоор байгааг цагдаагийн газраас мэдээллээ. Тиймээс сар шинийн баяр дөхөж байгаатай холбогдуулан иргэд, олон нийт та бүхэн худалдааны төв, нийтийн тээврийн хэрэгслээр бэлэн мөнгөтэй явахдаа сонор сэрэмжтэй байж хулгайн гэмт хэргээс урьдчилан сэргийлээрэй.