/2021.08.27/: Улирлын томуугийн вакциныг хувийн эмнэлэгүүд хийж эхэлжээ.

Улирлын томуугаар 0-5 насны хүүхдүүд өвчлөх, хүндрэх магадлал өндөр байдаг. Тиймээс энэ насны хүүхдүүдийг нэн тэргүүнд томуугийн дархлаажуулалтад хамруулдаг.

Улсын хэмжээнд улирлын томуугийн 360 мянган тун вакциныг хүлээн авна. Энэ жилийн хувьд 11 хүртэл насны хүүхдүүдийг томуугийн вакцинд хамруулахаараа онцлогтой.

Өсвөр насныхан болон бусад насныхан коронавирүсийн эсрэг вакциныг тариулж байгаа. Тиймээс томуугийн вакцин болон коронавирүсийн вакцин хоорондын зай нэг сар байх ёстойг анхааруулж байна.