/2022.11.15/ Дэлхийн найман тэрбум дахь хүүхэд Филиппин Улсад мэндэлжээ.
Тодруулбал, Винис Мабанса охин орон нутгийн цагаар шөнийн 01:29 цагт тус улсын нийслэл Манила хотод төрсөн байна. Винисийн ээж Мария Маргаретт Вильоренте охиноо дэлхийн 8 тэрбум дахь иргэн болсонд баяртай байгаагаа илэрхийлээд энэ нь түүний хувьд адислал юм гэжээ.
Түүнчлэн Хүн ам, хөгжлийн комиссын (POPCOM) Захиргааны албаны дарга Линет Терезе Монсалве Винис охиныг ирээдүйн хөгжлийн бэлэг тэмдэг болно хэмээн хэлсэн байна.
Дашрамд дурдахад, НҮБ-аас энэ оны арваннэгдүгээр сарын дундуур дэлхийн хүн ам найман тэрбумд хүрнэ гэж өмнө нь тооцоолж байсан билээ.
Эх сурвалж: Ndtv.com
