/2022.10.07/ УИХ-ын чуулганы нэгдсэн хуралдаанаар Монгол Улсын 2023 оны төсвийн төслийн анхны хэлэлцүүлгийг хийлээ. Энэ онд Монгол Улс түүхэндээ анх удаа 18.9 их наяд төгрөгийн орлого олж, 20.5 их наяд төгрөг зарцуулахаар төсвийн төслөө боловсруулжээ.
Энэ жилийн тухайд шинээр хөрөнгө оруулалтын зардал аймгуудад хуваарилаагүй гэдгээрээ онцлог бөгөөд хуучин төслүүдээ дуусгаж, ашиглалтад оруулах юм.
Ингээд 2023 оны төсвийн жилд орон нутагт хуваарилах төсвийн хэмжээг танилцуулж байна.
Дээрх хүснэгтээс харвал ирэх онд Хөвсгөл аймагт хамгийн өндөр буюу 22 тэрбум төгрөгийн төсөв хуваарилсан бол удаах нь Хэнтий аймаг байна. Тус аймагт нийт 21 тэрбум төгрөг хуваарилжээ. Харин хамгийн бага төсөвтэй аймагт Булган /8,9 тэрбум/, Сүхбаатар /8,5 тэрбум/ Говьсүмбэр /2 тэрбум/ багтаж байна.
