/2022.10.05/ Засгийн газрын хуралдаанаас гарсан шийдвэрийг танилцууллаа.

ЗГХЭГ-ын дарга Д.Амарбаясгалан:

-Өнөөдрийн хуралдаанаар Боомтын сэргэлт эрхэлсэн сайд, сайдын дор байх Боомтын захиргаа, захиргаа нь цаашлаад дөрвөн аймагт салбар нэгжээ байгуулан ажилладаг байх шийдвэрийг гаргалаа. Тодруулбал, Өмнөговь, Дорноговь, Дорнод, Сэлэнгэд боомтын захиргааны салбар байгуулна.

Эдгээр аймаг дахь салбар нэгжийн захиргаа нь боомтын үйл ажиллагааг нэгдсэн удирдлагаар хангах үүрэгтэй бөгөөд БНХАУ, ОХУ-ын талтай ижил түвшинд харилцаа үүсгэж, хилийн боомтын түвшинд үүсдэг хүндрэл бэрхшээлийг арилгахын төлөө ажиллана гэлээ.