/2022.09.23/ Хиагт-Алтанбулаг боомтоор манай улсад нэвтэрсэн ОХУ-ын иргэдийн тоо өмнөх өдрөөсөө гурав дахин нэмэгджээ.
Тодруулбал, Өчигдрийн тоон мэдээг бид ХХЕГ-аас тодруулахад, "Есдүгээр сарын 22-ны өдрийн 08.00 цагаас есдүгээр сарын 23-ны 08.00 цагийн хооронд Алтанбулаг боомтоор ОХУ-ын 830 иргэн орж ирсэн байна. Харин эсрэгээрээ 137 иргэн буцаж гарсан" гэв.
Дээрх тоон мэдээллийг өмнөх өдрүүдтэй харьцуулж үзэхэд мэдэгдэхүйц хэмжээгээр өссөн үзүүлэлттэй байгаа юм. Тухайлбал,
- Есдүгээр сарын 20-ны өдөр 263
- Есдүгээр сарын 21-ны өдөр 261 ОХУ-ын иргэн манай улсын хилээр нэвтэрчээ.
Түүнчлэн,
- Есдүгээр сарын 20-нд 586
- Есдүгээр сарын 21-нд 643 иргэн буцаж гарсан байгаа юм.
