/2023.8.23/ Монгол дахь Конрад-Аденауэрын сангийн 30 жилийн ой энэ жил тохиож байна. Ойн арга хэмжээг тохиолдуулан "Монголын ардчилал: Өчигдөр & Өнөөдөр" сэдэвт Ардчиллын VII чуулганыг зохион байгуулахаар болжээ.
Ардчиллын VII чуулган энэ баасан гарагт болно.
Хурлыг ЗГХЭГ-ын дарга Д.Амарбаясгалан нээж үг хэлнэ. Харин дараах зочид "Монголын ардчилал: Өчигдөр & Өнөөдөр" сэдвээр илтгэл тавих ажээ. Үүнд:
- С.Баяр, Монгол Улсын Ерөнхий сайд асан
- Н.Алтанхуяг, Монгол Улсын Ерөнхий сайд асан,
- УИХ-ын гишүүн Манфрэд Грунд, ХБНГУ-ын Бундестагийн гишүүн
Мөн энэ өдөр "Монголын ардчиллын ирээдүй" сэдвээр панел хэлэлцүүлэг болно. Манай mpress.mn сайт энэ өдрийн чуулганыг шууд дамжуулан хүргэх болно.
