/2023.08.14/: Архангай аймгийн Хашаат сумын нутаг дэвсгэрт Хархорин сумаас 40 орчим км-т 110кВ-ын Хархорин А,Б цахилгаан дамжуулах агаарын шугамын 679-683-р тулгуурууд наймдугаар сарын 13-ны 22:55 цагт унаж, аваарын нөхцөл байдал үүссэн байна.
Хүчтэй салхи, усарахаг борооны нөлөөгөөр үүсэн тус гэмтлийг арилгахаар эхний ээлжийн бригадууд газар дээр нь очжээ. Сэргээн босголтын ажилд Хангайн бүсийн салбараас 4, Улаанбаатар салбараас 1 бригад тус тус ажиллаж байна.
Энэ тасралтаар 45320 айл өрх, 5256 аж ахуйн нэгж 7 аймгийн 57 сумын хэрэглэгчид цахилгаангүй болсон. Сэргээн босгох ажлыг 3 хоног буюу 72 цагийн дотор хэвийн ажиллагаанд оруулахаар ажиллаж байна.
Эх сурвалж: ЭХЯ
