/2022.07.08/: Украины зэвсэгт хүчин Оростой хийсэн дайны фронтод барууны зэвсгүүд ямар хүчирхэг болохыг харж байна гэж Володимир Зеленський мэдэгдэв.
Мэргэжилтнүүдийн үзэж байгаагаар барууны зэвсэглэл нь Оросын цэргийн хүчийг түлхэхэд чухал үүрэг гүйцэтгэсэн ч барууны орнууд Украиныг алдаж болзошгүй дайнаас зайлсхийхийг хүсвэл хангамжаа нэмэгдүүлэх, тэр байтугай өөрийн батлан хамгаалах салбараа дайчлах шаардлагатай болно гэжээ.
Зеленский телевизээр үг хэлэхдээ, "Барууны хангамжийн ачаар Украины арми Украины өмнөд фронт дахь Херсон, Запорожье мужуудад хоёр чиглэлд урагшилж, ОХУ-ын зарим ложистикийн агуулахад цохилт өгч байна" гэж мэдэгджээ.
Хэрэв барууныхан дайны талбарт Оросыг ялахыг хүсч байвал оролдоод үзэг гэж Владимир Путин хариу хэллээ.
ОХУ-ын Ерөнхийлөгч телевизээр парламентын удирдагчдад хандан хэлсэн үгэндээ “Өнөөдөр тэд биднийг дайны талбарт ялахыг хүсч байгааг бид сонсож байна. Тэдэнд хичээгээрэй гэж хэлье. Барууныхан бидэнтэй эцсийн Украин үлдэх хүртэл тулалдах хүсэлтэй байгааг бид олон удаа сонссон. Энэ бол Украины ард түмний хувьд эмгэнэл боловч бүх зүйл үүн рүү чиглэж байх шиг байна" гэлээ.
Украины зэвсэгт хүчнийхэн эзлэгдсэн зүүн Украин дахь Оросын зэвсгийн агуулахад амжилттай цохилт өгсөн тухай бичлэгийг нийтэлжээ. Гэхдээ тэд цохилт өгсөн байршлын талаар дурьдаагүй байна.
Эх сурвалж: Theguardian
