/2021.08.13/ Вакцины гурав дахь тунгийн асуудлаар өнөөдөр ЭМЯ-наас мэдээлэл өглөө.

Манай улсын хувьд вакцины гурав дахь тунг хэзээ, ямар иргэдэд хийх вэ гэдгийг дотоодын болон гадаадын судалгаа шинжилгээнд үндэслэж шийднэ гэж ХӨСҮТ-ын захирал Л.Баттөр хэллээ.

Мөн тэрбээр, "Синовак вакцины 2 дахь тун нь дархлалын сайн санамжыг үүсгэж байна гэсэн олон улсын судалгаа гарсан. Уг вакцины эхний хоёр тунг хийлгэснээс хойш 6-8 сарын дараа гурав дахь тунг хийхэд хүчтэй дархлалтын хариу үйлддэл үзүүлж байна. Мөн гурав дахь тунгийн дараа саармагжуулах эсрэг биеийн хэмжээ 3-5 дахин өндөр байгааг тогтоосон" гэлээ.

Түүнчлэн 3 дахь тунг хийсэн ч хийгээгүй ч халдвар хамгааллын дэглэм, мэргэжлийн байгууллагын өгч буй зөвлөгөөг цаашид мөрдөөд явна гэв.