/2022.05.02/: Украйны хилээс холгүй орших ОХУ-ын Белгород хотын ойролцоох газраас гал түймрийн хар утаа ихээр суунаглаж байгаа тухай бичлэг олон нийтийн сүлжээгээр цацагджээ.
Зарим видео бичлэг дээр цагдаа нар автомашинуудыг бүсээс холдуулж, нисдэг тэрэгнүүд хотын дээгүүр эргэлдэж байгааг харуулж байна.
Белгород мужийн амбан захирагч Вящеслав Гладков Батлан хамгаалах яамны харьяа объектод гал гарсан тухай Telegram-д мэдэгдэв.
"Борисов, Белгород дүүрэг, Яковлевский гэсэн гурван хотын хил дээр ОХУ-ын Батлан хамгаалах яамны нэг байгууламжийн нутаг дэвсгэрт гал гарсан" гэж бичжээ.
Эх сурвалж: CNN
