/2022.03.21/ Америк долларын төгрөгтэй харьцах ханш 2912 төгрөг болоод байна.
Төгрөгийн ханш унаж, эдийн засгийн хүндхэн нөхцөлд орох вий гэхээс иргэд болгоомжилж байна.
Арилжааны банкууд одоогоор долларын бэлэн гүйлгээнд хязгаарлалт тавьж, удаан хугацаанд хадгалагдсан дансан дахь доллараас бусад хүсэлтийг хүлээн авахгүй байх нөхцөлд шилжжээ.
Нөхцөл байдалтай холбоотойгоор Монголбанк маргаашнаас хэвлэлийн хурал хийж, олон нийтэд мэдээлэл өгөхөөр зэхэж байгаа ажээ.
Монголбанкны үндсэн зорилт нь үндэсний мөнгөн тэмдэгт-төгрөгийн тогтвортой байдлыг хангахад оршдог билээ.
