/2022.03.19/Дорнод аймагт үйлдэгдсэн ноцтой хүн амины хэргийг цагдаагийн алба хаагчид шуурхай илрүүлжээ.

Тодруулбал, Тус аймгийн нэгэн сумын нутаг дэвсгэрт өчигдөр буюу энэ сарын 18-ны өдөр "хээр нас барсан хүн олдсон" талаарх дуудлага мэдээллийг цагдаагийн байгууллага хүлээн авсан байна. Үүний дагуу тус аймгийн Мөрдөн байцаах тасгийн даргаар ахлуулсан ажлын хэсэг хэргийн газарт очиж иргэн “А” /29 настай, эр/ нас барсан болохыг тогтоожээ.

Нас барсан "А"-г түүний танил “Б” гэгч энэ сарын 14-ний өдөр согтууруулах ундаа хэрэглэсэн үедээ хувийн таарамжгүй харьцаанаас үүдэн биед нь халдаж амь насыг нь хохироосон байж болзошгүй гэж цагдаагийн газраас мэдээллээ. Мөн "Б" нь хэргийн газраас хохирогчийг зөөвөрлөн хээр тавьсан байж болзошгүй нөхцөл байдал тогтоодон мөрдөн шалгах ажиллагааг үргэлжлүүлэн явуулж байна гэв.