/2022.03.19/ БГД-ийн 20 дугаар хороонд өнөөдөр буюу гуравдугаар сарын 19-ний өдрийн 09:20 цагийн орчимд зам тээврийн ноцтой осол гарчээ.

Тодруулбал, Зорчигч тээврийн автобус "Тоёота Камри" маркийн автомашины араас мөргөсний улмаас эсрэг урсгалд орж "Хьюндай Старекс" маркийн автомашиныг мөргөн нэг хүний амь нас эрсэдсэн ноцтой осол гарсан байна.

Одоогоор ослын газарт аврах ажиллагаа явагдаж, цагдаагийн байгууллагаас үзлэг хийж шалгалтын ажиллагааг эхлүүлсэн байна.

Автобусны жолооч эрүүл бөгөөд түүний хэлж буйгаар тоормос ажиллагаагүй болсны улмаас ийнхүү осол гаргасан байж болзошгүй ажээ.

Тиймээс хөдөлгөөнд оролцогч иргэд, жолооч та бүхэн өөрсдийн болон бусдын аюулгүй байдлыг хангаж анхаарал болгоомжтой хөдөлгөөнд оролцоно уу.