/2022.03.06/: Өчигдөр Хятадын баруун өмнөд хэсгийн Сычуань муж дахь Шичан хиймэл дагуул хөөргөх төвөөс Хятад улс долоон хиймэл дагуулыг сансарт амжилттай илгээжээ.
Бээжингийн "GalaxySpace" компанийн үйлдвэрлэсэн зургаан хиймэл дагуул болон арилжааны зайнаас тандан судлах хиймэл дагуулыг өчигдрийн 14:01 цагт "Long March-2C" зөөгч пуужингаар хөөргөсөн байна.
Энэхүү хөөргөлт нь Long March цуврал зөөгч пуужингийн 410 дахь зорилго байв.
Нислэгийн зорилго нь бага тойрог замд байдаг хиймэл дагуулын холбоо, зайнаас тандан судлах нэгдсэн технологийг шалгаж, ашиглах ажлыг эхлүүлэх аж.
Газар дээрх мэдээлэл боловсруулах системийг хиймэл дагуулын өгөгдөлд дүн шинжилгээ хийдэг Four Squares Technology компани бие даан боловсруулжээ.
Эх сурвалж: Синхуа
