/2022.01.25/ Замын-Үүдийн автозамын боомт, ачаа тээврийн нөхцөл байдлын талаар мэдээл хийлээ.

Зам, тээвэр хөгжлийн дэд сайд Ж.Бат-Эрдэнэ, "Хилээр орж ирж буй барааны үнийг өсгөхгүй байх бүх талын арга хэмжээг Засгийн газраас авч ажиллаж байна. Энэ ажилд төрөөс 8 орчим тэрбум төгрөгийг зарцуулна. Энэ мөнгө халдвар хамгааллын дэглэм мөрдүүлэх, жолооч нарын тусгаарлалтын зардал, боомтод ажиллаж буй хүмүүсийн зардал зэрэгт зарцуулагдана. Хэрэв хувийн ААН-ийг үүнд оролцуулбал бараа материалын үнэ өсөхөд нөлөөлнө. Тиймээс төр бүх зардлыг нуруун дээрээ үүрч байна. 8 орчим тэрбум бол зөвхөн Замын-Үүдийн тээвэр, зохион байгуулалттай холбоотой зардал юм. Хараахан батлагдаагүй байна. Маргааш Засгийн газрын хурлаар танилцуулна" гэлээ.