2021.07.29

Тамирчид өмнө нь нэг удаа учраа таарч, Петер Палтчик ялж байжээ. Энэ удаагийн барилдаан нь манай тамирчинд даагаа нэхэх боломж гарсан ч харамсалтай нь ахин өвдөг шороодлоо.

Тоглолтын үндсэн цагт Израил улсын тамирчин Петер Палтчик 1, Л.Отгонбаатар 2 торгуулийн хуудас авсан юм.

Нэмэлт цаг эхэлснээр вазари оноо алдаж манай тамирчин өвдөг шороодлоо.

Лхагвасүрэнгийн Отгонбаатар нь 1993 онд төрсөн 28 настай. Тэрээр:

- 2014 онд Японы Нарита хотод болсон самбо бөхийн дэлхийн аварга шалгаруулах тэмцээний мөнгө,

- 2018 онд Баку хотод болсон ДАШТ -ээс хүрэл,

- Абу Дабид "Их дуулга" тэмцээнд алт,

- 2015 онд Дюссельдорфын тэмцээнд хүрэл,

- 2018 онд Туркийн Анталяа хотод болсон Гранпри тэмцээнд хүрэл,

- 2018 онд Гуанжоу хотод болсон олон улсын жудогийн холбооны дэлхийн мастеруудын тэмцээнд мөнгө,

- 2019 онд Хөх хотод болсон алтан Гранпри тэмцээнээс хүрэл медаль хүртсэн бол 2014 онд Японы Нарита хотод болсон самбо бөхийн дэлхийн аварга шалгаруулах тэмцээний мөнгөн медалийг тус тус хүртсэн тамирчин юм.

Мөн 2016 оны Риогийн олимпийн наадамд -100кг жиндээ тавдугаар байранд орсон байна.