/2021.Volkswagen группын ирэх таван жилд зарцуулах мөнгөний талаас илүү хувь нь цахилгаан автомашин болон бусад өндөр технологийн хүчин чармайлтад зориулагдана гэж Германы автомашин үйлдвэрлэгч пүрэв гарагт мэдэгдэв.
2026 оны эцэс гэхэд VW дэлхийн хэмжээнд борлуулж буй автомашиныхаа 25 хувийг цахилгаан хөдөлгүүртэй болгоно гэж тооцоолж байна. Одоогийн байдлаар VW-ийн борлуулалтын 5-6 хувийг цахилгаан автомашин эзэлж байгаа ажээ.
Энэхүү үйлд бэлдэж VW цахилгаанжуулалтыг хурдасгахын тулд 89 тэрбум евро буюу 100 тэрбум доллартай тэнцэх хэмжээний хөрөнгө зарцуулах гэнэ. Энэ нь анх удаа VW нийт зардлынхаа талаас илүү хувийг буюу ойролцоогоор 180 тэрбум ам.долларыг цахилгаан машинд төсөвлөж байгаа явдал юм. Үүний зэрэгцээ бензин хөдөлгүүртэй хамт аккумлятор ашигладаг гибрид тээврийн хэрэгслийн зардлыг 30 хувь бууруулна.
Энэ зардалд Германы Вольфсбург дахь компанийн төв байранд шинэ үйлдвэр барих зэрэг багтана. 2025 онд төлөвлөж байгаа VW-ийн Project Trinity хэмээх шинэ тэргүүлэх цахилгаан машиныг Вольфсбург хотод үйлдвэрлэнэ. VW мөн Европ даяар хэд хэдэн шинэ байгууламжийн төлөвлөгөөг тодорхойлсон.
Volkswagen мөн тусдаа зай үйлдвэрлэх компани байгуулахаар төлөвлөж байна. VW-ийн мэдээлснээр батерейны бизнесээс 30 тэрбум еврогийн орлого олох төлөвтэй байгаа нь тус компанийн Skoda суудлын автомашины хэлтсийн одоогийн олж байгаа орлогоос их байх ажээ.
Volkswagen суудлын автомашины брэнд болон Чехэд төвтэй Skoda брэндээс гадна VW нь Porsche, Audi, Bentley, Lamborghini болон Испанид төвтэй Seat автомашины брэндүүдийг ажиллуулдаг.
Эх сурвалж: cnn
