/2021.10.21/: Эрдэнэс Монгол ХХК--ийн захирал Д.Хаянхярваагийн албан өрөөнд энэ сарын 18-ны өдөр прокурорын хяналтан дор АТГ-аас нэгжлэг хийсэн билээ.
Нэгжлэгээр түүний өрөөнөөс бэлэн мөнгө буюу хэрэгт үйлдсэн байж болзошгүй нотлох баримтууд илрүүлсэн учир тухайн өдрөөс эхлэн 48 цаг хүртэлх хугацаагаар цагдан хорих шийдвэр гаргасан.
Тэгвэл энэ хугацааг сунгах хүсэлтийг прокурорын байгууллагаас шүүхэд гаргасны дагуу шүүх өнөөдөр хуралдан Д.Хаянхярваагийн цагдан хорих хугацааг 30 хоног болгон сунгажээ.
