/2021.10.21/: Туркийн шүүх аравдугаар сарын эхээр "улс төр, цэргийн тагнуул хийсэн" хэргээр саатуулагдсан гадаадын зургаан иргэнийг баривчилжээ. Энэ тухай лхагва гаригт Hurriyet сонин мэдээлэв.
Тус хэвлэлд баривчлагдсан хүмүүсийн дунд ОХУ-ын дөрвөн, Узбекистаны нэг, Украины нэг иргэн байгаа гэж мэдэгджээ. Сонинд бичсэнээр сэжигтнүүд "чечений сөрөг хүчин" рүү дайралт хийхээр төлөвлөж байжээ.
Аравдугаар сарын 9-нд CNN Turk телевизийн суваг Турк улсад гадаадын зургаан иргэнийг тагнуул хийсэн хэргээр саатуулсан тухай мэдээлсэн ба тус сувгийн мэдээлснээр, ажиллагааны явцад баривчлагдсан хүмүүс ОХУ-ын зэвсэг, паспорттай байсан нь тогтоогджээ. CNN Turk сувгаас тодруулга авахад, эдгээр баримт бичиг нь жинхэнэ эсвэл хуурамч эсэх нь одоогоор тодорхойгүй байна гэжээ.
ОХУ-ын Ерөнхийлөгчийн хэвлэлийн нарийн бичгийн дарга Дмитрий Песков өнгөрсөн долоо хоногт Кремльд Туркэд саатуулагдсан гэх оросуудын талаар ямар ч мэдээлэл байхгүй байгааг тэмдэглэжээ. Тэрбээр "хэрэв эдгээр нь үнэхээр Оросын иргэд байвал" Кремльд энэ талаар "зарим мэдээлэл" ирэх байсан гэж тэр онцолжээ.
Эх сурвалж: tass.ru
