/2021.09.15/: Шивээхүрэнгийн боомтод хилээр гарах оочероо хүлээж байсан нүүрсний жолооч автомашиндаа нас барлаа.

Өчигдөр 13 цагийн үед Өмнөговь аймгийн Гурвантэс сумын Шивээхүрэнгийн МАК- ын уурхай дээр урагшаа гарах ээлжээ хүлээж байсан 100 гаруй жолоочоос нэг нь машиндаа нас барсан байна. LD 005 дугаартай машины бүхээгт нас барсан талийгаач “Говийн нар” компаний жолооч байжээ. Нүүрс тээвэрлэж байгаа жолооч нарт квот тогтоосноос 100 гаруй жолооч 20 гаруй хоног оочерлож машиныхаа бүхээгт хонож байжээ.

Хэрэг гарсан шалтгааныг Цагдаагийн байгууллага шалгаж байна.