/2023.2.24/ НҮБ-ын хуралдаан болж Орос улс Украинаас цэргээ татахыг шаардсан санал хураалт явууллаа.
Санал хураалтад Монгол Улс "ТҮДГЭЛЗСЭН" санал өгчээ.
Нийт 32 улс түдгэлзсэн санал өгсний дотор Хятад, Энэтхэг, Иран улсууд орсон байна. Эсэргүүцсэн 7 улс байсны дотор Беларус, Конго, Мали, ОХУ байна.
Харин 141 улс ОХУ нь Украинаас цэргээ татах ёстой гэсэн саналыг өгчээ.
Санал хураалт болохын өмнө Украины Ерөнхийлөгч Володимир Зеленський Монгол Улсын Ерөнхийлөгч У.Хүрэлсүхтэй утсаар ярьсан. Утсаар ярих үеэр Ерөнхийлөгч У.Хүрэлсүх дайны улмаас амиа алдсан Украины ард түмэнд эмгэнэл илэрхийлжээ.
I had a phone talk with President of Mongolia @UKhurelsukh. I accepted my counterpart's condolences concerning the victims of the full-scale Russian invasion of Ukraine. We noted the importance of developing bilateral relations.
— Володимир Зеленський (@ZelenskyyUa) February 21, 2023
Өнөөдөр, ОХУ Украин руу цэргийн дайралт хийсний нэг жил болж байгаа юм.
Дайны улмаас энэ жилийн хугацаанд:
- Амиа алдсан: 42,295 хүн
- Шархадсан: 56,756
- Сураггүй болсон: 15,000
- Орон гэргүй болсон: 14 сая
- Эдийн засгийн хохирол: 350 тэрбум доллар
