/2023.02.14/: Хятадын дээд дипломат энэ сард ОХУ-д айлчилна гэж тус улсын Гадаад хэргийн яамнаас мэдээллээ.
Энэхүү айлчлал нь Москва Украинд түрэмгийлснээс хойшхи Хятадын албан тушаалтан тус улсад айлчилж байгаа анхны тохиолдол болж байна.
Өнгөрсөн сард БНХАУ-ын дарга Ши Жиньпиний гадаад бодлогын ахлах зөвлөхөөр томилогдсон Ван И мягмар гарагаас эхлэн найм хоногийн хугацаатай олон улсын айлчлалын хүрээнд Орос, Франц, Итали, Унгарт айлчилж, Мюнхений аюулгүй байдлын бага хуралд илтгэл тавина.
Айлчлалын хөтөлбөр нь Ван ГХЯ-ны сайдын албан тушаалаа орхиж, шинэ албан тушаалдаа орсноос хойшхи анхных нь бөгөөд энэ нь Бээжин Москвагийн харилцааг тэнцвэржүүлж, Хятадын нэр хүнд, Европ дахь харилцааг нэмэгдүүлэх оролдлого хийх дипломат чадварын сорилт болж магадгүй юм.
Ван Блинкений оролцохоор хүлээгдэж буй Мюнхений аюулгүй байдлын бага хуралд оролцохоор төлөвлөж байгаа нь Хятадын ажиглалтын бөмбөлөг Америкийн агаарын орон зайд нэвтэрснээс болж АНУ-Хятадын хурцадмал байдал илүү хурцадсанаас хойш анх удаа биечлэн уулзах боломжийг олгож магадгүй юм.
Вашингтон Хятадыг олон улсын тандалтын хөтөлбөрийг хянадаг гэж буруутгаж байгаа бөгөөд Бээжин эдгээр мэдэгдлийг үгүйсгэж, АНУ-ыг БНХАУ-ын агаарын орон зайд 10 гаруй удаа "хууль бусаар" өндрийн бөмбөлөг нисгэсэн гэж буруутгаж байна. АНУ-ын хүчнийхэн илрүүлж, унагасан агаарын бөмбөлөг нь санамсаргүй байдлаар замаасаа гарсан иргэний судалгааны онгоц болохыг Хятад улс баталж байгаа юм.
БНХАУ-ын ГХЯ-ны хэвлэлийн төлөөлөгч Ван Вэнбин даваа гарагт болсон хэвлэлийн бага хурлын үеэр Ван Игийн аялалын төлөвлөгөөг зарлахдаа Блинкентэй уулзах талаар дурдаагүй байна.
Украйны дайны дараа Хятад Европтой харилцах харилцаа ихээхэн хурцдаад байгаа юм. Бээжин халдлагыг шууд буруушаагаагүй бөгөөд НҮБ-аас Оросын эсрэг хориг арга хэмжээ авахыг дэмжээгүй юм. Мөн Хятад улс томоохон хэмжээний сургуулилалтын үеэр Оросын армитай хамтран ажиллахын зэрэгцээ Москвагаас шатахууны худалдан авалтаа нэмэгдүүлсээр байна.
Хятадын ГХЯ-ны төлөөлөгчийн хэлснээр, Ван Москвад айлчлах нь Хятад, Орос хоёр улс стратегийн түншлэлийн харилцаагаа үргэлжлүүлэн хөгжүүлж, олон улсын болон бүс нутгийн хамтын ашиг сонирхлын асуудлаар санал бодлоо солилцох боломжийг олгох болно гэв.
Эх сурвалж: CNN
