/2023.01.30/: Улаанбаатар хотын цэвэр усны нөөцийн томоохон эх үүсвэр нь Туул гол юм.

Өвөл болж гол мөрний ус хөлдсөн учир Туул голын дээгүүр амвтомашинтайгаа зорчих тохиолдлууд ихээр гарч байгааг зогсоохоор шийдвэрлэснээ БОАЖ-ын сайд Б.Бат-Эрдэнэ өөрийн цахим хуудсаараа дамжуулан мэдэгдлээ.

Тэрээр,

"Улаанбаатар хотын 1,6 сая иргэн, 5 аймгийн хүн, мал, амьтан ундаалдаг Туул голын дээгүүр өвлийн улиралд замбараагүй байдлаар машин зам гарган давхилдаж байгаа явдлыг таслан зогсооно.

Хүүхэд, хөгшид, эмэгтэйчүүд гээд олон хүн Туул голын дээгүүр алхах, амрах байдлаар явган алхаж байхад зэрэгцэн машинтай давхилдаж байгаа нь аюултай нөхцөл байдлыг үүсгэж байна.

Голын дээгүүр том масло асгах, хогоо замбараагүй хаях үзэгдлүүд элбэг байгаа тул шаардлагатай газруудад хаалт хийж Туул голын сав газрын захиргаа албан хаагчид эргүүлд гарч хуулийн дагуу арга хэмжээ авч байгааг сануулья" гэжээ.