/2022.09.14/ Татан буулгах ажиллагаа хийгдэж буй “Капитал банк” ХХК-ийн хөрөнгийг есдүгээр сарын 21-ний өдөр нээлттэй дуудлага худалдаагаар худалдах гэж байна.
Тухайн дуудлага худалдаанд оролцож буй бүх хөрөнгөд хөрөнгийн хөндлөнгийн үнэлгээний компани үнэлгээ хийсэн байна. Тодруулбал, нийт 37 ширхэг 22.5 тэрбум төгрөгийн үнэлгээтэй хөрөнгө дуудлага худалдаанд оролцохоор зарлагджээ.
Дуудлага худалдааг энэ сарын 21-ний өдрийн 14:00 цагт Чингэлтэй дүүргийн 5-р хороонд байрлах хуучнаар Капитал банкны төв байранд зохион байгуулах гэж байна.
