16 настай охин болон 32 настай эмэгтэйн амь насыг онц ноцтойгоор хохироосон гэмт хэргийн шүүх хурлаар Ц.Дагвадоржид бүх насаар нь хорих ял оноосон байдаг.

Мөн уг хэрэгт шүүгдэгч, хохирогч гэсэн статустайгаар оролцсон Э.Номин-Эрдэнэ, Э.Ган-Эрдэнэ нар болон насанд хүрээгүй шүүгдэгч Х.Энхсайхан нарыг цагаатгасан билээ. Иймд уг шийдвэрийг хүлээн зөвшөөрөхгүй хэмээн мэдэгдэж, хохирогч охины ээж Г.Отгонтуяа болон түүний өмгөөлөгч дээд шүүхэд хандсан юм.

Тэгвэл энэ сарын 29-ний пүрэв гарагт УДШ-ийн Хяналтын шатны шүүхээр дээрх хэргийг хэлэлцэх бөгөөд шүүхийн тухай хуулийн 12 дугаар зүйлд зааснаар шүүх хурлыг хаалттай явуулахаар болжээ.