АН-ын идэвхтэй дэмжигчдийн нэг реппэр Quiza буюу Б.Батцэнгэл “Улаанбаатар түншлэл төв” ХХК болон “Улаанбаатарын хотын хөгжлийн корпораци” ХК-ийн ТУЗ-ийн гишүүнээр томилогджээ.

Сар хүрэхгүй хугацааны өмнө Нийслэлийн захирагч Б.Пүрэвдагвын олон нийттэй харилцах асуудал хариуцсан зөвлөхөөр томилогдож байсан тэрээр ийнхүү давхар дээл нөмөрчээ.

Тэрээр төрийн албан хаагчид болон нийслэлийн харьяа байгууллагуудыг ил тод шүүмжилж байсан цаг саяхан. Гэтэл одоо хотын асуудал хариуцсан төрийн өмчит компаниудад ийнхүү ТУЗ-ын гишүүнээр ажиллаж эхэлсэн нь сонирхол татаж эхлээд байна.