Монгол Улс бүс нутгийн хэмжээнд үйл ажиллагаа явуулна
 

Монгол Улс бүс нутгийн хэмжээнд үйл ажиллагаа явуулна

\2024.05.30\ Монгол Улсын Засгийн газар, Хууль зүй, дотоод хэргийн яамнаас Ази, номхон далайн эдийн засаг, нийгмийн хөгжлийн хамтын ажиллагааны Коломбын төлөвлөгөө байгууллагын Зөвлөлдөх хорооны 48 дахь удаагийн хурлыг 2024 оны 05 дугаар сарын 29-31-ний өдрүүдэд Улаанбаатар хотод зохион байгуулж байна. Манай Улсад болж буй энэ удаагийн хурал нь “Мансууруулах эм, сэтгэцэд нөлөөт бодисын эсрэг хүчээ нэгтгэсэн бүс нутгийн төлөө: Урьдчилан сэргийлэх ажиллагааг эрчимжүүлэх нь” сэдвийн хүрээнд болж байна. Коломбын төлөвлөгөө байгууллагын Зөвлөлдөх хорооны 48 дахь удаагийн хурлын төлөөлөгчдийн тэргүүн нарын урьдчилсан албан бус уулзалт 2024 оны 05 дугаар сарын 29-ний өдөр Гадаад харилцааны яаманд боллоо. Энэ үеэр тус олон улсын хуралд хүрэлцэн ирж оролцож буй төлөөлөгчдийн тэргүүн нарыг Хууль зүй, дотоод хэргийн сайд Б.Энхбаяр, Гадаад харилцааны сайд Б.Батцэцэг нар угтан авч, дурсгалын зураг татууллаа.

Коломбын төлөвлөгөө байгууллагад Ази, номхон далайн бүс нутгийн 28 Улс гишүүнчлэлтэй бөгөөд Монгол Улс тус байгууллагад 2004 онд гишүүнээр элсэн орсон юм. Энэ удаагийн хуралд Коломбын төлөвлөгөө байгууллагын гишүүн улсын төлөөлөгчид, ажиглагчаар оролцож буй олон улсын байгууллагын төлөөлөл болсон нийт 50 гаруй гадаадын зочид, дотоодын 100 гаруй төлөөлөгчид оролцож байна.

Эх сурвалж ХЗДХЯ

Монгол Улс бүс нутгийн хэмжээнд үйл ажиллагаа явуулна
Монгол Улс бүс нутгийн хэмжээнд үйл ажиллагаа явуулна
 
УИХ-ын сонгуулийг 40 улс орны 259 ажиглагч ажиглана
УИХ-ын сонгуулийг 40 улс орны 259 ажиглагч ажиглана
Сэтгэгдэл (0)
Анхаар!
Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Мэдээний сэтгэгдлийн хэсгийг mpress.mn сайт хариуцах тул, ёс бус сэтгэгдлийг админ устгах эрхтэй.