Бүх нийтийн цэвэрлэгээг 11, 12, 13-ны өдрүүдэд зохион байгуулна
 

Бүх нийтийн цэвэрлэгээг 11, 12, 13-ны өдрүүдэд зохион байгуулна

/2024.04.03/: Жил бүр зохион байгуулагддаг “Хаврын их цэвэрлэгээ” арга хэмжээг 2024 оны дөрөвдүгээр сарын 01-ний өдрөөс 19-ны хооронд зохион байгуулагдахаар шийдвэрлэлээ

Бүх нийтийн цэвэрлэгээний нэгдсэн их цэвэрлэгээг 2024 оны 11,12,13-ны өдрүүд буюу ирэх пүрэв, баасан, бямба гаригуудад зохион байгуулах юм.

Цэвэрлэгээнд Нийслэлийн 9 дүүрэг, Нийслэл дүүргийн харьяа байгууллагууд, хороод, аж ахуй нэгж байгууллага, сууц өмчлөгчдийн холбоо, иргэд өргөнөөр оролцож гадна орчныхоо 50 метр хүртэлх зам талбай, хог хаягдлыг цэвэрлэх, барилгын хана, гадна талбайг угааж цэвэрлэн цэвэр цэмцгэр орчныг бүрдүүлэхийг уриалж байна.

Бүх нийтийн их цэвэрлэгээний ажилд хог тээвэр болон зам талбайн үйлчилгээний байгууллагууд чиглэл тус бүрээр цэвэрлэгээ үйлчилгээ болон хог хаягдлын ачилт, тээвэрлэлтийн ажлыг эрчимжүүлэн ажиллана. Мөн СӨХ-д оршин суугчид, гэр хорооллын иргэдийн идэвх оролцоонд тулгуурлаж амьдарч буй орчноо цэвэрлэн эрүүл, аюулгүй орчин бүрдүүлэхэд гар бие оролцоход дэмжлэг үзүүлнэ.

Хаврын их цэвэрлэгээний үеэр хийгдэж ажлууд:

  • Байгууллага, аж ахуйн нэгжүүд орчныхоо 50 метр хүртэлх нийтийн эзэмшлийн зам талбайг цэвэрлэх, угааж чийгшүүлэх, байгууллагынхаа хайс хашлага, автобусны буудал, нүхэн болон гүүрэн гарц, хогийн сав гадна фасад, хаяг, үүд хэсгийг угааж өнгө үзэмжийг сэргээх
  • Гудамж, зам талбайн хог хаягдал, ногоон байгууламжийн шар өвс, хатсан шарилж ургамлыг цэвэрлэж ачуулах
  • Айл өрх, аж ахуй нэгж байгууллагын хог хаягдлын ачилтыг эрчимжүүлэх
  • Гудамж талбайн үүсмэл хогийн цэгүүдийг ачиж цэвэрлэх
  • Сандал, хогийн сав, хайш хашлага, замын тэмдэг, тэмдэглэгээ, гэрэлтүүлгийн шон, хөшөө баримлыг угаах, засварлах
  • Нийтийн эзэмшлийн гудамж, зам талбайд байршуулсан өнгө үзэмжгүй хаяг, мэдээллийн байгууламжуудыг буулгах, өнгө үзэмжийг сэргээж засварлах ажлуудыг тус тус хийж гүйцэтгэнэ.

Эх сурвалж: НЗДТГ

Үерийн улмаас эвдэрсэн замуудад засварын ажлууд хийгдэж байна
Үерийн улмаас эвдэрсэн замуудад засварын ажлууд хийгдэж байна
 
ВИДЕО:  Албан тушаалтнууд тухайн салбарын ашигтай бизнес рүү хошуурч орсон
ВИДЕО: Албан тушаалтнууд тухайн салбарын ашигтай бизнес рүү хошуурч орсон
Сэтгэгдэл (0)
Анхаар!
Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Мэдээний сэтгэгдлийн хэсгийг mpress.mn сайт хариуцах тул, ёс бус сэтгэгдлийг админ устгах эрхтэй.