/2023.12.22/: Өчигдөр Прага хотын нэгэн их сургуульд зэвсэгт этгээд халдлага үйлдсэний улмаас 14 хүн амиа алдаж, 25 хүн шархаджээ.
Халдлага үйлдсэн зэвсэгт этгээд нь 24 настай бөгөөд хэрэг үйлдсэнийхээ дараа амиа хорлосон гэж Чехийн цагдаагийн дарга Мартин Вондрашек хэлсэн ч энэ нь хараахан батлагдаагүй байна. Зэвсэгт этгээдийг Чарльзын их сургуулийн Урлагийн факультетийн оюутан байсан гэж цагдаа нар мэдэгдсэн юм.
Нийслэлийн төв дэх Чарльзын их сургуулийн Урлагийн факультетийн байранд гарсан энэхүү хэргийг холбогдох албаныхан үргэлжлүүлэн шалгаж байна. Энэ газар нь жуулчдын дунд алдартай бөгөөд гол үзмэрүүдтэй ойрхон, Прага шилтгээнээс Влтава голын хажууд байдаг аж.
Халдлага үйлдэгч нь өөрийн төрсөн хот Хотун тосгоноос Прага руу явсан гэж цагдаагийн дарга мэдэгдэв.
Хүчирхийлэл дэгдэх үед зарим сурагчид буун дуунаас зайлсхийхийн тулд ангидаа хорогдсон байна.
Олон нийтийн сүлжээгээр тараасан нэгэн зураг дээр хэд хэдэн хүн барилгын гадна талын дэнж дээр нуугдаж байгааг харуулсан байна.
Шархадсан 25 хүний 10-ынх нь биеийн байдал хүнд байгаа гэж цагдаагийн дарга мэдэгдэв.
Гэмт хэрэгтнийг аллагыг үйлдэхээс өмнө эрх баригчид уг этгээдийн талаар мэдээлэл авсан бөгөөд түүнийг амиа егүүтгэх санаатай Прага руу явж байсан тухай мэдээлэл цагдаад ирсэн гэж мэдэгджээ.
Удалгүй тэд Прага хотоос баруун тийш 21 км зайд орших Хостоун хотоос нас барсан эрэгтэй олдсон тухай мэдээлэл авсан байна. Энэхүү эрийг халдлага үйлдэгчийн эхний хохирогч байж магадгүй гэж таамаглаж байгаа аж.
Эх сурвалж: CNN
