​/2023.11.20/: Дэлхийн Эрүүл мэндийн байгууллагаас гаргасан судалгаагаар өдөр бүр 3500 гаруй хүн, жил бүр 1.3 сая хүн зам тээврийн ослоор нас барж, 50 сая хүн гэмтэж, 1 жилд 186300 хүүхэд, 1 өдөрт 500 гаруй хүүхэд зам тээврийн ослын улмаас амь насаа алддаг байна.

Харин манай улсын хувьд зам тээврийн ослын улмаас жил бүр 500 гаруй хүний амь хохирч, 2000 гаруй хүн гэмтдэг гэсэн харамсалтай тоон мэдээлэл байна.

Зам тээврийн осолд өртөж амь нас, эрүүл мэндээрээ ноцтой хохирсон иргэдийг дурсах өдрийг дэлхий даяар жил бүрийн 11 дүгээр сарын эхний гуравдугаар долоо хоногийн ням гарагт тэмдэглэн өнгөрүүлдэг.

Манай Улсын хувьд уг өдрийг жил бүр “Хичээх өдөр” уриалгатайгаар зам тээврийн ослын хор уршгийг иргэд, жолооч нарт таниулах чиглэлээр арга хэмжээ зохион байгуулдаг.

Энэ жилийн хувьд тус арга хэмжээг “Өдөр бүр хичээе” уриалгатайгаар зохион байгуулж байна.

Ийм иргэд, жолооч та бүхэн энэ өдөр зам тээврийн ослоос урьдчилан сэргийлж, тээврийн хэрэгслийн ойрын гэрлээ өдрийн цагаар асааж зам тээврийн ослын улмаас амь насаа алдаж, гэмтэж хохирсон иргэдэд хүндэтгэл үзүүлэн, анхаарал болгоомжтой замын хөдөлгөөнд оролцохыг уриалж байна.

Эх сурвалж: ЦЕГ