/2023.10.02/: Испанийн нэгэн шөнийн цэнгээний газарт гал гарсны улмаас 13 хүн амь үрэгдээд байна гэж тус улсын эрх баригчид мэдэгдлээ.

Аврах албаныхан хэргийн газарт ажиллаж байгаа бөгөөд амь үрэгдэгсдийн тоо нэмэгдэх магадлалтай байгаа аж.

Онцгой байдлын албаны аврагчид галын дараа сураггүй болсон хүмүүсийг хайж байгаа хэвээр байна.

Мурсиа хотын дарга Хосе Баллеста ослын газар сэтгүүлчдэд хэлэхдээ, нурангин доор цогцсууд байсаар байгаа бөгөөд барилга "нурах эрсдэлтэй" байгаа тул ажиллахад хүндрэлтэй байна гэв.

Испанийн Үндэсний цагдаагийн газрын ажилтан Диего Серал сэтгүүлчдэд хэлэхдээ, нас барсан хүмүүсийг зэргэлдээх гурван клубын нэг болох "Фонда" шөнийн клубээс олсон бөгөөд клубын ихэнх хэсэг галд өртжээ.

Эх сурвалж: Aljazeera