/2023.08.09/: Жил бүр уламжлал болгон зохион байгуулагддаг төмс, хүнсний ногооны “Алтан намар-2023” үзэсгэлэн худалдаа энэ сарын 20-ны өдрөөс Барилгачдын талбайд нээгдэх гэж байна.
Иймээс төмс, хүнсний ногооны аж ахуй эрхлэгч ААН, иргэд та бүхнийг оролцохыг урьж байна.
“АЛТАН НАМАР-2023” төмс, хүнсний ногооны үзэсгэлэн худалдаанд үйлчилгээ эрхлэх хүсэлтэй иргэн, хуулийн этгээдийн бүрдүүлэх материалын жагсаалт:
- Гараар бичсэн өргөдөл, хүсэлт
- Иргэний үнэмлэхний хуулбар
- Сум, баг, хороон Засаг даргын тодорхойлолт
- Гарал үүслийн гэрчилгээ авсан байх
- Худалдаж буй бүтээгдэхүүнийг ургамлын эрүүл ахуй, хорио цээр болон пестицидийн үлдэгдлийн үзүүлэлтээр итгэмжлэгдсэн лабораторид шинжлүүлсэн байх
Төмс, хүнсний ногооны худалдаа эрхлэгчдэд тавигдах шаардлага
- Эрүүл мэндийн урьдчилан сэргийлэх үзлэг, шинжилгээнд хамрагдсан дэвтэртэй байх
- Лангуун дээр 0.5 литрээс доошгүй савлагаатай спиртэн суурьтай гар халдваргүйжүүлэх бодис байрлуулан, үйл ажиллагаа эхлэхээс өмнө лангуу тавиур, орчинд ариутгал халдваргүйжүүлэлт хийсэн байх
- Үйл ажиллагаатай холбоотой хууль тогтоомж, стандарт, дүрэм, журмыг биелүүлэх
- Гарал үүслийн бичигтэй төмс, хүнсний ногоо худалдан борлуулах
- Талбайд цагаан өнгийн өөрийн асар, сүүдрэвч байрлуулан тээврийн хэрэгслээс шууд худалдаа хийхгүй байх
- Хариуцсан талбайн хогийг тогтмол цэвэрлэж, хог хаягдлыг таг бүхий зориулалтын хогийн саванд хаях
- Худалдаж буй бүтээгдэхүүнийг ургамлын эрүүл ахуй, хорио цээр болон пестицидийн үлдэгдлийн үзүүлэлтээр итгэмжлэгдсэн лабораторид шинжлүүлсэн байх
- Худалдаанд ашиглаж буй жин хэмжүүрийг баталгаажуулсан байх
- Төмс, хүнсний ногоог савлах, хүнсний зориулалтын уутыг хангалттай хэмжээгээр бэлтгэсэн байх
- Гэмт хэрэг зөрчлөөс урьдчилан сэргийлж, нийгмийн хэв журмыг ханган ажиллах зэрэг шаардлагуудыг тавьж байна.
Эх сурвалж: ЧД
