/2023.06.26/: Өнөөдөр болох онцлох үйл явдлуудын мэдээллийг тоймлон хүргэж байна.
09.00 цагт “Шангри-Ла” зочид буудалд: Монгол Улсын Ерөнхийлөгчийн ивээл дор Дэлхийн экспортыг дэмжих чуулга уулзалт Далайд гарцгүй хөгжиж байгаа орнуудын зөвлөлдөх уулзалтаар эхэлнэ.
09.00 цагт “Туушин” зочид буудалд: “Орчны эрүүл мэнд” үндэсний чуулганаар хүний эрүүл мэндэд агаар, орчин, уур амьсгалын өөрчлөлт хэрхэн нөлөөлж буйг хэлэлцэнэ:
09.00 цагт “Кемпинский” зочид буудалд: "Эх хүүхдийн эрүүл мэндийн тусламж үйлчилгээний чанар, аюулгүй байдлыг сайжруулах нь" үндэсний семинар болно.
10.00 цагт: УИХ дахь намуудын бүлгүүд болон Ажлын хэсэг, түр хороод хуралдана.
10.30 цагт “Монгол ньюс” мэдээллийн төвд: "Синдерелла" эмнэлгээр үйлчлүүлээд хараагүй болсон иргэн мэдээлэл хийнэ.
11:00 цагт: Монголын газрын тосны үйлдвэрийн ажилчдын хотхоны бүтээн байгуулалтын ажлыг гацааж байгаа удирдлагуудад хариуцлага тооцуулах талаар уг хотхоныг барьж байгаа үндэсний компаниудын төлөөллөөс мэдээлнэ.
11.40 цагт: УИХ дахь АН-ын бүлэг тус намыг төлөөлөх эрхгүй талаар “Эрх чөлөө” төвөөс мэдээлнэ.
11.40 цагт Монголын уран зургийн галерейд: Дэлхийн Уугуул иргэдийн Оюун санааны өвлөн уламжлагчдын холбооноос (WUISP) зохион байгуулж буй "ГАРВАЛЬ" олон улсын үзэсгэлэн үргэлжилнэ. Долоодугаар сарын 2 хүртэл үргэлжлэх уг үзэсгэлэнд Буриад, Киргиз, Монголын бүтээлчдийн бүтээлүүдийг дэлгэжээ.
