Нас бол зүгээр л тоо гэж хүмүүс хэлдэг бөгөөд энэ нь өвлийн олимпийн наадмын тухайд үнэн юм.
Энэ жил Хятадад хөгшин,залуу 3000 орчим тамирчин хүрэлцэн ирсэн бөгөөд CNN агентлаг Бээжин 2022 тэмцээнд оролцох хамгийнз алуу болоод ахмад тамирчдыг тоймлон хүргэж байна.
Анезка Индракова - 2006 оны 7-р сарын 30
Анезка Индракова ердөө 15 нас зургаан сартай бөгөөд Бээжин дөрсөлдөх хамгийн залуу тамирчин болоод байна.Чехийн цанын харайлтын тамирчин,сонгомол тэмцээнд оролцож байсан туршлагагүй бөгөөд тэрээр олон улсын насанд хүрэгчдийн тэмцээнд анх удаа оролцож байгаа юм. Гэсэн хэдий ч тэрээр 2021 онд болсон туршилтын тэмцээнд оролцсон ба Олимпд олон удаа уралдсан өрсөлдөгчдөөсөө бага зэрэг давуу байж магадгүй юм.
"Энэ бол миний амьдралын мөрөөдөл. 15 настайдаа амжилтанд хүрнэ гэж хэзээ ч бодож байгаагүй. Надад энэ боломжийг олгосонд үнэхээр талархаж байна. Би тоглолтыг үнэхээр тэсэн ядан хүлээж байна. Эцсийн эцэст энэ бол Олимп юм" гэж тэр хэлэв.
Индрацкова энэ жил тэмцээнд оролцож байгаа цорын ганц 15 настай эмэгтэй биш юм.
Уран гулгагч Камила Валиева Индраковагаас хоёр сараар эгч бөгөөд ROC багийн тамирчин ба анх удаагаа насанд хүрэгчдийн ангилалд өрсөлдөж байгаа тэрээр олон хүмүүсийн анхааралыг татаад байгаа юм. Гурвалсан тэнхлэгт эргэлт, агаарын дөрвөлсөн эргэлт, Салчовын үсрэлт зэрэг техникийг өндөр эзэмшсэн Валиевабол уран гулгалтын дэлхийн хамгийн сэтгэл хөдөлгөм залуу авьяастнуудын нэг бөгөөд дэлхийн дээд амжилтыг эвдсэн юм.
Густав Легнавский – 2005 оны 9-р сарын 23
Шинэ Зеландын Густав Легнавский 16 нас энэ сард хүрсэн бөгөөд тэмцээнд оролцох хамгийн залуу эрэгтэй тамирчин болсон юм. Чөлөөт цанын тамирчин halfpipe төрөлд өрсөлдөх бөгөөд дэлхийн тавцанд өрсөлдөхдөө баяртай байгаа ба "Бээжин 2022"-ын өмнө halfpipe төрөлд өрсөлдөх чөлөөт цанын тамирчин Легнавский "Halfpipe миний зан чанарт тохирсон: өндөр октан, нарийвчлал, илэрхийлэл, ахиц дэвшил гаргах боломж, өрсөлдөх чадвартай" гэж хэлэв.Түүний аав Пит Легнавски мөн цаначин байсан бөгөөд 1993 оны дэлхийн аварга шалгаруулах тэмцээнд оролцож байсан бол ээж нь мөн цанын спортоор хичээллэдэг байжээ. Густавын аав нь түүнийг дасгалжуулдаг бөгөөд Швейцарьт ур чадвараа дээшлүүлсэн байна. Легнавский хэдий залуу ч гэсэн 2021 оны дэлхийн аварга шалгаруулах тэмцээнд оролцож, энэ оны эхээр дэлхийн аварга шалгаруулах тэмцээний шилдэг 10-т багтсан байна.
Клаудиа Печштейн - 1972 оны 2-р сарын 22
Германы хурдны тэшүүрчин Клаудиа Печштейн энэ сард Бээжинд болох тоглолтын хамгийн ахмад тамирчин юм. Бямба гарагт эмэгтэйчүүдийн 3000 метрийн алтан медалийн уралдаанд уралдсаны дараа 49 настай Печштейн одоо өмнөх долоон наадамд оролцсон Японы домогт цаначин Нориаки Касай-н хамтаар өвлийн олимпд хамгийн олон удаа оролцсон амжилтыг хуваалцаж байна. Печштейн анх 1992 онд Францын Альбертвилл хотод болсон өвлийн тоглолтод оролцож байжээ.
Баасан гарагт болсон нээлтийн ёслолд Германы багийн туг барьсан 49 настай тэрээр арвин туршлагатай бөгөөд урт удаан, маргаантай карьерынхаа туршид есөн олимпийн медаль, тэр дундаа таван алтан медаль хүртсэн юм. Печштейн 2009 онд ээлжит бус шинжилгээнд хамрагдсаны дараа хоёр жилийн хугацаагаар допингийн хориг тавиулж байсан ч тэрээр ямар нэгэн эм уугаагүй гэдгээ үргэлж илэрхийлдэг байсан ба Спортын арбитрын шүүх түүний эрхийг түдгэлзүүлснээ баталж байжээ.
Тэр одоо амжилтанд хүрэхгүй байж магадгүй ч найм дахь удаагийн өвлийн наадамд оролцож байгаа нь анхаарал татахуйц зүйл бөгөөд өөр ямар ч эмэгтэй энэ амжилтыг гаргаж чадаагүй юм. Печштейн бямба гарагт болсон алтан медалийн төлөө хуралдаанд хамгийн сүүлд орсон ч тэрээр инээмсэглэн "Би тийм ч хурдан байгаагүй. Гэхдээ би өнөөдөр найм дахь олимпдоо уралдах зорилгодоо хүрсэн учраас баяртай байна. Энэ нь миний хувьд чухал байсан. Өчигдөр би туг барьсан. Энэ бол миний карьер дахь гайхалтай мөч, байлаа. Өнөөдрийн үр дүн тийм ч чухал биш, зүгээр л уралдаж, энд байх явдал байлаа. Би үнэхээр бахархаж байна." гэж хэлжээ.
Торгер Нергаард - 1974 оны 12-р сарын 12
Норвегийн кёрлерчин Торгер Нергаард нь Бээжин 2022 тэмцээнд оролцох хамгийн ахмад настай эрэгтэй тамирчин юм. Өдгөө 47 настай тэрбээр 2002 онд Солт Лэйк Ситид болсон тоглолтод анх удаа оролцож алтан медаль хүртэж байсан ба Өвлийн зургаа дахь олимпдоо оролцож байгаа юм.Тэрээр анхны тоглолтынхоо амжилтыг давтаагүй ч 2010 онд Ванкуверт болсон тоглолтоос мөнгөн медаль хүртсэн юм. Нергаард энэ өвлийн олимпийг онилсон байсан бөгөөд энэ нь түүний сүүлчийн тоглолт байж магадгүй гэж мэдэгджээ. "Энэ бол төгсгөл байж магадгүй, би мэдэхгүй" гэж тэр хэлэв. “Олимпийн наадамд оролцох зорилго минь.Чи ямар нэг зүйл хийхдээ 100 хувь хийхийг хичээх хэрэгтэй гэж би боддог."
Түүхэн дэх хамгийн ахмад ба хамгийн залуу
Сесилия Коллеж
Өвлийн Олимпийн түүхэн дэх хамгийн залуу өрсөлдөгч бол 1932 онд Лэйк Пласид болсон наадамд 11 нас 73 хоногтойдоо оролцож байсан Британийн уран гулгагч Сесилия Коллеж хэвээр байна.
Olympics.com сайтын мэдээлснээр Коллежийн гэр бүл охиндоо асар их итгэл найдвар тавьж байсан бөгөөд түүнийг сургуулиас нь гаргаж, Лондонд буцаж ирэхээсээ өмнө Норвегид байнгын дасгалжуулагчтай бэлтгэл хийдэг байжээ.Тэрээр олимпийн дэвжээнд наймдугаар байр эзэлсэн ч дөрвөн жилийн дараа 1936 онд Германы Гармиш-Партенкирхен хотод болсон наадамд мөнгөн медаль хүртсэн байна. Дараа нь Дэлхийн 2-р дайны үед түргэн тусламжийн жолоочоор ажиллаж байсан ч 1946 онд Их Британийн зургаа дахь түрүүгээ хүртэхийн тулд спортдоо эргэн ирсэн байна. Тэрээр Их Британийн түүхэн дэх хамгийн залуу олимпийн тамирчин хэвээр байгаа бөгөөд өнөөг хүртэл хамгийн залуу өвлийн олимпийн тамирчин хэвээр байна.
Карл Август Кронлунд
Өвлийн олимпийн наадмын хамгийн өндөр настай тамирчин бол Шведийн кёрлингийн тамирчин Карл Август Кронлунд хэвээр байна.1924 оны наадамд 58 нас 155 хоногтойдоо уралдаж түүхийг бүтээж байсан хүний тухай тийм ч их мэдээлэл байдаггүй.Мөн тэрээр эрэгтэйчүүдийн кёрлингийн финалд баг нь мөнгөн медаль хүртсэн ба өвлийн олимпийн хамгийн ахмад тамирчин болсон юм.
Эх сурвалж: CNN
