/2022.02.04/ Өвлийн олимпын 24 дүгээр наадам эхлэхэд хэдхэн цаг үлдсэн байна. Энэ удаагийн наадамд 91 улс, багийн нийт 2800 гаруй тамирчид оролцох юм. Нээлт өнөөдөр болох бөгөөд хоёрдугаар сарын 20 хүртэл үргэлжилнэ.

Монгол Улсаа төлөөлж, тамирчин Б.Ачбадрах, А.Энхтуул нар гүйлтийн цанын төрөлд хоёрдугаар сарын 8-ны өдөр спринт зайд уралдана. Улмаар хоёрдугаар сарын 10-нд А.Энхтуул эмэгтэйчүүдийн 10 км-т, хоёрдугаар сарын 11-нд Б.Ачбадрах эрэгтэйчүүдийн 15 км-т хурд сорих юм.