/2022.2.1/ Маргааш бол хаврын тэргүүн сарын шинийн 1-ний өдөр.

Энэ өдөр нар 08.19 цагт мандана. Өндөр настан, хүндтэй хүндээ хадаг барин, хүндэтгэн золгодог цагаан сарын баярын уламжлалтай. Энэ өдөр цээрлэх зан үйл нь хэрүүл маргаан дэгдээж, хараал урсгаж болдоггүй. Мөн шинийн 1-ний өдөр архидан согтуурч, айлд хонохыг цээрлэдэг. Хогоо гаргаж хаяхгүй байж, уур уцаарыг тэвчинэ.

Шинийн 1-нд нар мандахыг харах зан үйл мөн шинээр тогтжээ. Цаг уур орчны шинжилгээний хүрээлэнгээс мэдээлснээр маргааш Улаанбаатарт өдөртөө -15 хэмийн хүйтэн байх бол өнөө шөнө -32 хэмийн хүйтэн байх ажээ.

Та бүхэн сар шинэдээ сайхан шинэлээрэй.