/2022.01.24/: Өвлийн улирал хэдийн дундаа орсон боловч ихэнх нуурын мөс хангалттай зузаан болоогүйгээс иргэдийн болгоомжгүй байдлаас үүдэлтэй мөс цөмөрч автомашин суух, живэх тохиолдлууд ихээр гарсаар байна.

Тэгвэл өчигдөр Ховд аймгийн Дөргөн сумын Өгөөмөр багийн “Уур баагьдаг” гэдэг газарт суудлын автомашин “Дөргөн” нуурын мөсөнд цөмөрч суусан тухай дуудлаг Онцгой байдлын газарт иржээ.

Тус аймгийн Онцгой байдлын газрын Эрэн хайх, аврах ангийн алба хаагчид 100 км замыг туулан иргэн Т-ийн “Приус-20” загварын суудлын автомашин нуурын мөсөнд цөмөрч, 10 метрийн гүнд живсэн байсныг татан гаргасан.

Эх сурвалж: ОБЕГ