/2021.07.29/ Япон Улсын Засгийн газрын буцалтгүй тусламжаар 132,210 тун Пфайзер/БиоНТех BNT162 вакциныг энэ сарын 28-ны өдөр хүлээн авлаа.

Уг тусламжыг “КОВИД-19 цар тахал болон нийгмийн эрүүл мэндийн онцгой байдлын үеийн чадавхийг бэхжүүлэх төсөл”-ийн хүрээнд авч байгаа аж. Дээрх төслийг НҮБ-ын Хүүхдийн Сан (UNICEF)-аар дамжуулан Монгол Улсад хэрэгжүүлж байгаа юм байна. Вакцин худалдан авах гэрээний дагуу 2021 оны 3 дугаар улиралд нийт 1,124,370 тун вакцин хүлээн авахаас өнөөдрийн байдлаар 294,840 тунг хүлээн авчээ.

Дээрх вакциныг хөхүүл болон жирэмсэн эмэгтэйчүүдэд хийхээс гадна, эцэг эх, асран хамгаалагчийн зөвшөөрлийг үндэслэн 12-17 насны хүүхдэдийг хамруулж болох ажээ.