2021.07.28

Засгийн газрын хуралдаанаас гаргасан шийдвэрийн талаар мэдээлэллийг танилцууллаа.

Ерөнхий сайдын хэвлэлийн төлөөлөгч Ч.Болортуяа:

Манай улсын нийт хүн амын 60,2 хувь нь вакциндаа бүрэн хамрагдсан.

12-17 насны хүүхдүүдийг бүрэн тунд хамрагдуулснаар нийт хүн амын 70 хувь нь дархлаажих юм.

Дээрх насанд хамаарах хүүхдүүдийн вакцинжуулалтын үр дүн сайн нөлөөтэй байгаа.

18-25 насны иргэд дархлаажуулалтад бага хамрагдаж байна.

ДЭМБ-аас 3 дахь тунг хийлгэх талаар санал болгоогүй. Учир нь дэлхий дахинд вакцины нөөц хангалттай хүртээмжгүй байгаа тул 3 дахь тунг хийлгэх талаар ярих нь зохимжгүй хэмээсэн.

Гэсэн ч манай улс энэ талаар судалж 8 дугаар сард багтаад зорилтод бүлэгт 3 дахь тунг хийж эхлүүлэх талаарх төлөвлөгөөг ЭМЯ танилцуулсан. Гэсэн ч засгийн газрын хуралдаан болон улсын онцгой комиссоос хараахан шийдвэр гараагүй байгаа юм.