/2021.12.13/ Нэр нь үл мэдэгдэх залуу өөр хүний дүрд хувиран өмнөөс нь вакцинд мөнгө олох замаар нэг өдөрт 10 удаа вакцин хийлгэхийн тулд олон тооны вакцинжуулалтын төвүүдэд очсон гэж мэдэгджээ. Түүний үйлдлийг "тэнэг бөгөөд аюултай" гэж нэрлэсэн байна.

Тэрээр 10 хүртэлх тооны COVID-19 вакцин хийлгэснийхээ дараа "итгэмээргүй хувиа хичээсэн" гэж цоллуулжээ.

Stuff мэдээллийн сайтад нэр нь тодорхойгүй, одоо мөрдөн байцаалтын шатанд байцаагдаж байгаа нэг хүн хэд хэдэн вакцинжуулалтын төвд очсон нь тогтоогдсон талаар нийтлэгджээ. Орон нутгийн хэвлэл мэдээллийн хэрэгслээр түүнийг олон хүний өмнөөс зураг авхуулж, тэдний дүрд тоглуулахын тулд мөнгө төлсөн байна хэмээн мэдээлжээ.

Тус улсын Эрүүл мэндийн яам энэ асуудалд нухацтай хандаж байгаа талаар мэдэгджээ. Яамнаас хэрэг явдал хаана болсныг хэлэхгүй байгаа ч тэр залууг аль болох хурдан эмчид үзүүлж зөвлөгөө авахыг зөвлөжээ.

Окландын их сургуулийн вакцин судлаачийн хэлснээр, судалгаанд ковидын эсрэг дархлаажуулах вакциныг нэгэн зэрэг хийсэн судалгаа байхгүй тул нэг өдрийн дотор 10 вакцин хийлгэсэн хүнд юу тохиолдохыг таамаглахад хэцүү байна гэжээ.

"10 тун вакцин хийлгэснээс болж нас барах магадлал багатай ч ийм олон тун нь вакциныг үр дүнгүй болгоно"

Бусдын өмнөөс вакцин хийлгэж байгаа хүмүүс "өөрсдийгөө аюулгүй болгож чадахгүй бөгөөд аюулгүй байдалд байх шаардлагатай хүмүүст туслах бус хор болохоор тэнэг хэрэг " гэжээ.

Шинэ Зеландад хүмүүс вакцин хийлгэхдээ үнэмлэхээ үзүүлэх шаардлагагүй байдаг юм.

Тус улсын ихэнх аж ахуйн нэгж, байгууллагад зөвхөн вакцинжуулалтад бүрэн хамрагдсан хүнд нэвтрэх боломж олгох ба дотоодын вакцинжуулалтын гэрчилгээг ашиглаж байгаа ажээ.

Таван сая хүн амтай тус улсад тахал эхэлснээс хойш 12,500 орчим тохиолдол бүртгэгдэж, 46 хүн нас баржээ. Оршин суугчдын 89 орчим хувь нь вакцинд бүрэн хамрагдсан байна.

Эх сурвалж: Dw