/2021.10.21/: Оросын боловсролын үзэсгэлэн нь жил бүр Улаанбаатар дахь “Русский дом” буюу хуучнаар Оросын шинжлэх ухаан соёлын төв /РЦНК/-с зарлагддаг.

Энэхүү арга хэмжээ нь ОХУ-ын засгийн газрын бакалавр, магистр, доктор, зуны сургалтын 600 тэтгэлгийн сонгон шалгаруулалтыг угтан зохион байгуулагддаг арга хэмжээ юм.

Цахим үзэсгэлэн 2021 оны аравдугаар сарын 20-26-ны өдрүүдэд EXPO.EDURUSSIA.MN сайт дээр болж байна.

Үзэсгэлэн нь Засгийн газрын 100%-ийн тэтгэлгээр суралцах гэж байгаа залууст ОХУ-ын чансаа өндөр тэргүүлэх сургуулиудыг урьж оролцуулан мэргэжил сургуулийн оновчтой сонголт хийх боломжийг олгохоос гадна ОХУ-д суралцах болон амьдрах орчин, амьдралын өртөг, оюутны байр, даатгал, виз, унаа тээвэр, аюулгүй байдал, оюутнуудын ажил эрхлэлт, хөнгөлөлт, тэтгэлэг, грант, тэтгэмжүүдийг авах бусад боломжуудын талаар мэдээлэл, зөвлөгөөг өгөх юм.

Эх сурвалж: ХНХЯ