/2021.07.23/: Өнөөдөр Япон улсын тэнгэр дор дэлхийн 5 тивээс ирсэн тамирчид өөрсдийн хүч, ур чадварыг сорих спортын хамгийн том наадмын нээлт болно.

Олимпын нээлт өнөөдөр Улаанбаатарын цагаар 19.00 цагт эхлэх бөгөөд дэлхийн өнцөг, булан бүрээс ирсэн тамирчдын ёслолын жагсаал 20.30 цагт спортын өлгий нутаг Грек улсын багаар эхэлж Япон цагаан толгойн үсгийн дарааллаар багууд цэнгэлдэхэд орж ирнэ.

Энэхүү жагсаалд Монгол улсын баг тамирчид 190 дүгээрт жагсах бөгөөд нийт 10 төрөлд 43 тамирчин хүчээ үзнэ.

Ингээд та бүхэндээ Спортын ноён оргил болох Олимпын наадамд оролцож буй Монгол баг тамирчдын тэмцээний хуваарийг танилцуулж байна.

Эх сурвалж: МҮОХ