/2021.07.20/: Өнөөдөр Улсын Дээд шүүх УИХ-ын гишүүн асан Б.Ундармаад холбогдох эрүүгийн хэргийг хянан хэлэлцлээ.
Анхан шатны шүүхээс УИХ-ын гишүүн асан Б.Ундармаад хоёр жил зургаан сар хорих ялаар шийтгэж, нийтийн албанд томилогдох эрхийг нь зургаан жилийн хугацаанд хассан шийдвэрийг Давж заалдах шатны шүүхээс 40 сая төгрөгөөр торгож, нийтийн албанд томилогдох эрхийг зургаан жилийн хугацаагаар хасахаар шийдвэрлэсэн юм.
Тэгвэл өнөөдөр Улсын Дээд шүүх энэ хэргийг хэлэлцсэнээр Анхан шатны шүүхийн тогтоолыг хэвээр үлдээж, Давж заалдах шатны шүүхийн магадлалыг хүчингүй болголоо.
