/2021.09.07/ ICT expo үзэсгэлэнгийн үндсэн зохион байгуулагчаар "Харилцаа холбоо мэдээллийн технологийн газар", хамтран зохион байгуулагчаар "Соёлын яам" оролцож байгаа юм. Үүнд технологийн салбарт түүчээлэгч "Ард санхүүгийн нэгдэл" "Мобиком корпораци", шинэхэн бизнес эрхлэгчдээс бүрдсэн 100 компани оролцох юм.

Бид уламжлалыг шинэ үе рүү тээх цаг үед алхаж байна.

Машиныг хүн барьж, операторын цаана хүн байдаг байсан цаг ард хоцорч улам л технологи суурьтай болж байна. Технологийн дэвшилд Монгол улс дэлхий дахинд хаана явааг харах боломжийг жил бүр олгодог ICT expo-2021 үзэсгэлэн есдүгээр сарын 17-ноос 19-ний өдөр Үндэсний соёл амралтын хүрээлэнд зохион байгуулагдана.

Энэ жилийн үзэсгэлэнгийн онцлог нь дроны үзүүлбэр, лазер шоу юм. Үүнээс гадна олон төрлийн гэнэтийн бэлэг байгааг мэдээллээ.

Мөн 5G сүлжээнд шилжих, олон нийтэд танилцуулах арга хэмжээ болох юм.